PARTNERËT

info@bmp.al

Rruga Ismail Qemali

Partnerët

MF – Ministria e Financave

Misioni i Ministrisë së Financave është arritja e stabilitetit ekonomik nëpërmjet drejtimit me efektshmëri, efektivitet dhe transparencë të financave publike.

AMF – Autoriteti i Mbikëqyrjes Financiare

Autoriteti i Mbikëqyrjes Financiare ka si mision të kontribuojë në nxitjen e qëndrueshmërisë dhe zhvillimin e sigurt të tregjeve financiare nën mbikëqyrje, me synim promovimin dhe nxitjen e standardeve të larta për mbrojtjen e konsumatorëve dhe integritetin e të licencuarve, rritjen e efikasitetit dhe stabilitetit të tregut financiar jobankar.

AIF – Agjencia e Inteligjencës Financiare

Agjencia e Inteligjencës Financiare (AIF) funksionon si Drejtori e Përgjithshme në varësi të Ministrit përgjegjës për Financat dhe ushtron funksionet e autoritetit përgjegjës në përputhje me ligjin nr. 9917/2008 “Për parandalimin e pastrimit të parave dhe financimit të terrorizmit” i ndryshuar. Misioni i saj është mbrojtja e interesave të vendit nga krimi financiar dhe financimi i terrorizmit dhe të kontribuojmë në stabilitetin, integritetin, rritjen dhe qëndrueshmërinë e sistemit financiar në Shqipëri dhe të ekonomisë në përgjithësi, nëpërmjet zbulimit dhe goditjes së veprimtarive kriminale me anë të programeve tona rregullatore dhe të inteligjencës financiare.

KKK – Këshilli Kombëtar i Kontabilitetit

Këshilli Kombëtar i Kontabilitetit (KKK) është një organizëm profesional publik i pavarur, me personalitet juridik, që ka për mision hartimin dhe zhvillimin e standardeve kombëtare të kontabilitetit në përputhje me ligjin dhe në koherencë me Standardet Ndërkombëtare të Raportimit Financiar. KKK përcakton rregullat për mbajtjen e kontabilitetit dhe formatet e pasqyrave financiare, jep udhëzime mbi zbatimin e tyre, shqyrton projektligjet që lidhen me kontabilitetin, si dhe monitoron zbatimin e standardeve. Përmes publikimeve, konferencave dhe aktiviteteve ndërkombëtare, Këshilli kontribuon në rritjen e transparencës dhe përmirësimin e cilësisë së raportimit financiar në Shqipëri.

IFIAR – International Forum of Independent Audit Regulators

Që prej vitit 2011, Bordi i Mbikëqyrjes Publike (BMP) është anëtar me të drejta të plota në Forumin Ndërkombëtar të Rregullatorëve të Pavarur të Auditimit (IFIAR), një rrjet prej 56 juridiksionesh që synon përmirësimin global të cilësisë së auditimit dhe mbrojtjen e interesit publik përmes bashkëpunimit rregullator. Bordi i Mbikëqyrjes Publike (BMP) është anëtar i Grupit të Punës për Masat Shtrënguese (Enforcement Working Group) pranë IFIAR, një grup pune e përbërë nga 13 shtete anëtare që synon forcimin e efektivitetit të veprimeve disiplinore dhe investigimit në fushën e auditimit. Ky grup lehtëson bashkëpunimin dypalësh ndërmjet anëtarëve, krijon forume profesionale për diskutim dhe trajnim mbi praktikat më të mira, si edhe siguron shkëmbim të vazhdueshëm informacioni e përvojash mbi masat disiplinore. Ky angazhim përfaqëson një hap të rëndësishëm në rritjen e kapaciteteve institucionale dhe promovon imazhin e mbikëqyrjes së profesionit të auditimit në nivel ndërkombëtar, duke forcuar rolin rregullator të BMP, rritur besimin e publikut dhe investitorëve dhe përafruar Shqipërinë me standardet më të mira globale në mbrojtje të interesit publik.

SECO- State Secretariat for Economic Affairs

SECO, Sekretariatit Shtetëror Zviceran për Çështjet Ekonomike, është qendra qeveritare e ekselencës për politikën ekonomike dhe tregun e punës. Ai kontribuon në rritjen e qëndrueshme ekonomike, shkallën e lartë të punësimit dhe kushte të drejta të punës, duke krijuar kuadrin e nevojshëm rregullator, ekonomik si dhe të politikës së jashtme. Partneriteti me SECO mbështet përforcimin e kuadrit rregullator, promovimin e transparencës dhe integritetit profesional, si dhe përmirësimin e praktikave të auditimit ligjor në përputhje me standardet ndërkombëtare.

CFRR – The World Bank

Qendra e Reformave për Raportimin Financiar (CFRR), pjesë e praktikës Globale te Qeverisjes së Bankës Botërorë, punon me vende si në Evropë dhe në Azinë Qendrore për të zbatuar praktikat dhe standardet e mirëqeverisjes së korporatave dhe raportimit financiar te tyre. CFRR ofron një sërë vlerësimesh diagnostikuese, asistencë teknike, njohuri dhe shërbime në fushat e auditimit, kontabilitetit, raportimit financiar dhe zbatimit të standardeve ndërkombëtare në këto fusha. Partnerët përfshijnë Bashkimin Europian, Bashkëpunimin Austriak për Zhvillim, Sekretariatin Shtetëror Zviceran për Çështjet Ekonomike dhe Ministrinë Federale të Financave të Republikës së Austrisë. CFRR u krijua ne vitin 2007. Ajo e ka selinë në Vjenë, Austri ku u nënshkrua “marrëveshja e vendeve” në 21 Korrik 2010 midis Bankës Botërore dhe Shtetit Austriak. Programet e menaxhuara nga CFRR ofrojnë këshilla profesionale, njohuri dhe asistencë për zhvillimin e kapaciteteve, shërbime analitike, zhvillim të njohurive, asistencë teknike dhe forcim institucional në fushat e raportimit financiar të korporatave. Programet:

Objektivi i zhvillimit të Programit Rajonal për Përmirësimin e Kontabilitetit, Auditimit dhe Raportimit të Qëndrueshmërisë (EAASURE) është të përmirësojë praktikat e raportimit financiar korporativ dhe të mbështesë miratimin dhe zbatimin e raportimit të qëndrueshmërisë në rajonin e Evropës dhe Azisë Qendrore. Programi ofron mbështetje për reformat e vazhdueshme në raportimin financiar dhe atë të qëndrueshmërisë korporative në disa vende: Armenia, Azerbajxhan, Shqipëri, Bosnjë dhe Hercegovinë, Gjeorgji, Kosovë, Moldavi, Mal i Zi, Maqedoni e Veriut, Serbi dhe Ukrainë. EAASURE trajton pesë aspekte tematike: (i) kuadrin rregullator; (ii) raportimin e qëndrueshmërisë; (iii) monitorimin dhe vlerësimin; (iv) forcimin e kapaciteteve institucionale; dhe (v) ndërmarrjet shtetërore. Programi bashkëfinancohet nga Ministria e Financave e Austrisë, Sekretariatit Shtetëror Zviceran për Çështjet Ekonomike (SECO) dhe Agjencia Austriake për Zhvillim (ADA). EAASURE u lançua zyrtarisht në maj 2024 dhe do të zbatohet deri në dhjetor 2028.

Programi “Rruga drejt Evropës për Reformën e Kontabilitetit dhe Forcimin Institucional për Ndërmarrjet e Vogla dhe të Mesme – REPARIS for SMEs” synon të mbështesë: (i) përmirësimin e mëtejshëm të qasjes së ndërmarrjeve të vogla dhe të mesme (NVM) në Ballkanin Perëndimor ndaj shërbimeve profesionale të kontabilitetit dhe menaxhimit financiar; dhe (ii) përafrimin e kuadrit të raportimit financiar të ndërmarrjeve në Ballkanin Perëndimor me direktivat dhe rregulloret përkatëse të Bashkimit Evropian. Përfitues janë vendet e Ballkanit Perëndimor: Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia. Programi REPARIS for SMEs vjen si vazhdim i programit të përfunduar EU-REPARIS (2015–2019) dhe po zbatohet nga Banka Botërore për Reformën e Raportimit Financiar (CFRR) me qendër në Vjenë, Austri, në bashkëpunim të ngushtë me Zyrat e Bankës Botërore në vendet përfituese. CFRR mbështet qeveritë e vendeve të Ballkanit Perëndimor përmes trajnimeve, aktiviteteve të të nxënit, asistencës teknike për zyrtarë publikë, rregullatorë, kontabilistë, auditues, Organizata Profesionale të Kontabilitetit (PAOs), Organizata Mbështetëse të Biznesit (BSOs) dhe Dhoma të Tregtisë (CoCs).